На Гродзеншчыне заснаваны літаратурны конкурс імя М.Багдановіча

8 августа 2023

Гродзенскім абласным выканаўчым камітэтам 30 чэрвеня прынята рашэнне № 332, якім прадугледжана заснаванне абласнога літаратурнага конкурса імя М.Багдановіча і зацверджана Інструкцыя аб парадку яго правядзення.

Конкурс накіраваны на:

папулярызацыю дзейнасці пісьменнікаў Гродзенскай вобласці;
стымуляванне стварэння высокамастацкіх літаратурных твораў;
выяўленне таленавітых аўтараў і новых імёнаў у літаратуры;
павышэнне статусу пісьменніка ў грамадстве.

Удзельнічаць у мерапрымстве можа аўтар літаратурнага твора, які на дату падачы заяўкі дасягнуў 18-гадовага ўзросту і зарэгістраваны (фактычна пражывае) на тэрыторыі Гродзенскай вобласці.

Да ўдзелу дапускаюцца адзін ці некалькі аўтараў у некалькіх намінацыях з рознымі творамі.

Інструкцыяй вызначаны наступныя намінацыі:

«Паэзія»;
«Проза»;
«Дзіцячая літаратура»;
«Публіцыстыка і краязнаўства»;
«Літаратуразнаўства і крытыка»;
«Драматургія»;
«Адкрыццё года».

На конкурс прадастаўляюцца неапублікаваныя раней літаратурныя творы на дзяржаўных мовах Рэспублікі Беларусь. Размяшчэнне літаратурных твораў або іх фрагментаў у сацыяльных сетках і інтэрнэце прыраўноўваецца да публікацыі.

Мерапрыемства будзе праводзіцца Гродзенскім аблвыканкамам раз у два гады.

Рашэнне ўступае ў сілу пасля яго афіцыйнага апублікавання. Азнаеміцца з тэкстам рашэння можна на Нацыянальным прававым Iнтэрнэт-партале Рэспублікі Беларусь

Іншыя навіны Pravo.by

Версия для печати